Cayaarta oo ahady tii ugu horesay ee lagu qabto garoonka
Banadir kaddib markii cows-ka lagu goglay ayaa soo jiidatay tobanaan kun oo
taageerayaal ah oo ay ku jireen masuuliyiin sar sare oo ka tirsan xukuumada Soomaaliya.
Daqiiqadii 23-aad ee cayaarta ayaa naadiga Banaadir ay
heleen goolkii ugu horeeyay ee garoonka laga dhaliyo, waxaana u saxiisay
weeraryahankooda Daadir Amiin Cali, iyadoo qeybtii hore ee cayaartu ay ku dhamaatay
1-0 ay Banaadir hogaanka ku heysay.
Laakin daqiiqadii 52-aad ee cayaarta ayaa mid ka mida
weeraryahadan ugu waaweyn kooxda Elman Maxamed Nuur Cabdi waxaa uu kooxdiisa u dhaliyay goolkii bar bar
dhaca, iyadoo 90-kii daqiiqadood ee loogu talagalayna ay cayaartu kusoo
idlaatay 1-1.
Laakin kooxda Elman ayaa nasiibku saaciday kaddib markii
ay 5-4 rigooreyaal ah ku guuleysteen sidaana kula tageen koobka koobabka Soomaaliya
ee sanadka 2013.
"Aad ayay ii farxad gelienysaa in aan ku guuleysano
koobka koobabka anagoo horyaalkana horay uheysanay”ayuu cayaarta kadib saxaafada
u sheegay kabtanka ku xigeenka kooxda Elman Xasan Cali Rooble (Babaay). Koobka koobabka ayaa waxaa maalgelisay shirkada Hormuud
Telecom oo ka mida sadexda shirkadood ee ugu waaweyn dalka Soomaaliya ee
dhinaca teleefonada.
Guddoomiyaha xiriirka Soomaaliyeed ee kubada cagta Cali
Siciid Guuleed Rooble ayaa sheegay inkastoo garoonka Banaadir lagu bilaabay in
cayaaro lagu qabto hadana taasi
macneheedu inaanu ahayn in garoonka si
rasmi ah loo furay.
"Garoonkan wali dhisme ayaa ku suconaya qeybo ka mida laakin
maadaama aanan heysan meel kale oo badal ah ayaan sii isticmaali doonaa tan
iyo inta si rasmi ah looga furi doono
garoonka oo shaqadiisa dayactirkuna ay soo dhameystirmeyso ”ayuu yiri
guddoomiye Cali Siciid Guuleed.
Wasiir ku xigeenka wasaarada horumarinta adeega Bulshada
Maxamuud Macalin yaxye oo lagu sharfay in uu koobka bixiyo ayaa uga mahad
celiyay FIFA dadaaladeeda ku aadan horumarinta kubada cagta Soomaaliya oo uu
sheegay in Soomaaliya ay dal kasta uga
baahi badan tahay kubada cagta oo ah aalad loo maro nabada iyo is dhex galka
bulshada.
Waxaa uu sidoo kale wasiir ku xigeenku ku amaanay xiriirrka
Soomaaliyeed ee kubada cagta howlaha baaxada leh ee uu ka hayo dalka Soomaaliya
oo hada yeeshay garoon la mida garoomada caalamiga ah ee dalalka kale ee dunidu
ay heystaan marka loo eego in garoonku uu hada noqday heer FiFA.
Somali Football Federation Media Department
Email:somalifootballmedia@gmail.com