Iyadoo horyaalka heerka labaad ee dalka Soomaaliya 2013 uu galay maalintii 5-aad ayaa naadiga Al Beder waxaa uu bar bar dhac 1-1 ah la galay naadiga AMB express/Badbaado oo sanadkii hore usoo dhacay heerka labaad kadib markii uu galay kaalinta ugu hooseysa horyaalkii heerka 1-aad 2012.

AMB express/Badbaado ayaa helay goolkooda daqiiqadii 6-aad ee qeybta hore ee cayaarta kaddib markii cayaaryahanka xaga weerarka uga cayaara Cabdi Kariim Cali Maxamed uu kubad farsameysan dhex dhigay goosha kasoo horejeeda,, waxaana uu cayaarta ka dhigay 1-0.

Si kastaba ha ahaatee wiilasha Al beder ayaa sameeyay weeraro is daba joog ah iyagoo isku dayay in ay goolka iskasoo gudaan, waxaana u suuragashay in ay daqiiqadii 27-aad ee isla qeybta hore helaan goolka bar bar dhaca oo uu u saxiixay Sharmarke Maxamed Cali.

Laakin markii la isugusoo labtay qeybta dambe labada naadi mid waliba waxaa uu sameeyay dadaal dheeraad ah si uu ugu guuleysto cayaarta laakin midkoodna suuragal uma noqon in uu gool helo waxaana la kala qaatay min hal dhibic.

Intii ay socotay cayaarta ayaa la bixiyay ganaaxyada shaxda hoose ku cad.

AMB Express/Badbaado

Name	Number	Date	Minute	Caution
Ismail Issedin Sheekh	8	29/04/2013	49th	Red Card
Isse Abdulkader Ahmed	5	29/04/2013	55th	Yellow Card
Mohiadin Mohamed Jimale	3	29/04/2013	73rd	Yellow Card

 

AL-BEDER FC

Name	Number	Date	Minute	Caution
Mahad Ali Yusuf	8	29/04/2013	22nd	Yellow Card
Omar Mohiadin Arale	4	29/04/2013	88th	Yellow Card

Somali Football Federation Media Department

Email:somalifootballmedia@gmail.com